పంబోతులారా ఆంబోతులారా
అడిగోనయ్యా ఆదిమహాశివయ్య
ముంగాలు మడవండి దండాలు పెట్టండి
బంగారునగలెంత బుసనాగు మణిచెంతఁ
సింగారమీ కెంపు సీమేను నెత్తురు
పొంగారుఁ మా ఱేటి మహిమ నేలంతఁ
పంబోతులారా ఆంబోతులారా
అడిగోనయ్యా ఆదిమహాశివయ్య
పోతులన్నిటికన్న నీడి పోతే మిన్న
తెల్లనీ గంగడోలు తళతళా మెఱిసేను
తోకసప్పిటితోన దులిపేను దిక్కుల్ని
సూది కొమ్ములతోన సంపేను కామణ్ణి
పంబోతులారా ఆంబోతులారా
అడిగోనయ్యా ఆదిమహాశివయ్య
అమ్మోరి వాకిటా ఆగేడు సూడండి
బెమ్మోడి పుఱ్ఱెనే సాసేడు సూడండి
కమ్మనీ పెరుగన్న మేసింది మాయమ్మ
గుమ్మనే మారేడు పువ్వోటి నావంతు
పంబోతులారా ఆంబోతులారా
అడిగోనయ్యా ఆదిమహాశివయ్య
