భాషందం, భువనందం, బ్రతుకందం

Thursday, April 26, 2007

భూమి దినం ౨ : భువి దివి నీవి నావి


ఉపోద్ఘాతము
మొన్న భూమి దినం సందర్భంగా ఒక వ్యాసం వ్రాసాను. అందులో మీరు భూమాతను కాపాడడంలో ఎలా తోడ్పడగలరు అనే అంశం మీద ఒ నాలుగు మాటలు వ్రాయమని పెద్దల కోరిక. ఈ వ్యాసం ఆ మేరకు.

పాదముద్ర
అతి ఉచితమైన మరియు సరళమైన పద్ధతి ఎమిటంటే. మీరు పాదముద్ర పరీక్ష తీసుకోండి. మీ స్కోరు చూడండి. మీకు ఎ అంశాలలో ఎక్కువ వచ్చిందో గమనించి ఆయా విషయాలలో జాగ్రత్త వహించండి. ఉదాహరణకు మీకు Mobility ఎక్కువ ఉంటే, సామూహిక వాహనాలు వాడడం లాంటివి చేయాలి.

మీరు భారతదేశవాసులైతే మీ పాదముద్ర తక్కువే ఉంటుంది. కాని దానిని చూసి మురిసి పోవడం అంత మంచిది కాదు. భారతీయులకు వర్తించే ఇతర విషయాలు క్రింద వివరిస్తాను.

అలవాట్లు
౧) లైట్లు మరియు ఇతర ఎల్కట్రాఁనిక్ పరికరాలను మితిగా వాడడం
౨) సామూహిక వాహన వ్యవస్ధ వాడడం
౩) కాగితాలు మరియు ప్లాస్టిక్ రీసైకిల్ చేయడం
౪) ఎక్కువ మైలేజు ఇచ్చే వాహనాలు వాడడం. అలా కొన్న వాహనాలు ఎక్కువ మైలేజు ఇచ్చేటట్టు చూడడం.
౫) నీరు, ప్రత్యేకంగా వేడినీరు, తక్కువ గా వాడడం
౬) పేకేజ్డ్ పదార్థాలు తక్కువ గా వాడడం
౭) వాతానుకూలం మితిగా వాడడం
౮) చెట్లు నాటడం
౯) ఇళ్ళు లేదా కార్యాలయాలు నిర్మించే డప్పుడు లైట్లు మరియు వాతానుకూలం తక్కువ అవసరమైయ్యేడట్టు నిర్మించడం
౧౦) వీలైనంత వరకు మాంసాహారం తగ్గించడం
౧౧) సస్య ప్రక్రియలు పరిశోధించి మరియు వాటిని అమలు చేయడం మీద ఆధారపడిన కంపనీలలో పెట్టుబడులు పెట్టడం. (భారతదేశంలో suzlon లాంటివి).
౧౨) పక్కవారికి కూడా వారి బాధ్యతలు తెలపడం, రాజకీయాల ద్వారా వ్యవస్ధను మార్చడం.

అమల భారతం
ఇంటర్నెట్ లో కనిపించే ఎక్కువ పాదముద్ర calculator లు లేదా carbon calculator లు పాశ్చాత్య దేశాలకు అనుగుణంగా నిర్మింప బడినవి. మన వ్యవస్ధలో ఇందనం వెల ఎక్కువ ఉండడం వలన మనము దానిని పొదుపు గానే వాడుతుంటాం.

అలానే మన పూర్వీకులు చాలా sustainable మరియు repeatable జీవన విధానాలు వాడేవారు. కాని మవము తెల్లవారి మాయలో పిడి అలాంటి పద్ధతులను కొంత వరకు మరచిపోయాము. సువార్త ఏమిటంటే, మన ప్రస్తుత జీవన విధానంలో మన పూర్వీకుల ఉచితమైన అలవాట్ల ప్రభావం చాలా ఉంది.

ఇక సమస్యలకు వస్తే,
మనం జనాబా ఎక్కువ, ప్లాస్టిక్ లాంటివి వాడడమే తప్ప దాని దుష్పలితాలు తెలియవు.
ఉదాహరణకు కారులో వెళుతున్న ఒ కుటుంబం.
పిల్లాడు : అమ్మ, చిప్స్ అయ్యిపోయాయి కవర్ ఏమి చేయను
అమ్మ: కారు కిటికీలో నుండి బయటకు వదిలేయ్ !
ఇలా కార్ల నుండి ట్రైన్లనుండి వదిలే చెత్త వల్ల భూమి విషపూరితమౌతుంది. రీసైకిలింగ్ గురించి జనాలకు తెలియజప్పవలసిన అవసరం చాలా ఉంది.

అలానే కల్తి ఇందనాల వల్ల రావలసినదాని కంటే ఎక్కువ వచ్చే కార్బన్ మరియు బాస్ఫరం పూరితమైన వాయువులు, పట్టణాలలో ఎంత హాని కలుగజేస్తాయో తెలిసినదే. దానికి తోడు ప్రతి వాహనం వలన వచ్చే కాలుష్యాన్ని నియంత్రిచవలసిన ట్రాఫిక్ పోలీసు వ్యవస్థ సోమరిబారిపోవడం.

సంగ్రహము
భూవాతావరణ సాన్నిహిత్యాన్ని ఒక జీవన విధానం గా మలచుకోండి. మీరు చేసే ప్రతి పనిలో దాని అర్థాన్ని ఇనుమడించకోండి. మనము పుట్టినప్పుడు అందంగా ఉన్న పంచభూతాలు మనము పోయేసరికి క్షీణించినాయంటే దానికి కారకులెవరు ?

లంకెలు
అల్ గోరు ఉపన్యాసం,
ఒ చిన్న హాస్య పూరిత పాట,
Sustainability మీద ఒ ఉపన్యాసం

సవాలు పదాలు ( వీటికి తెలుగు అనువాదాలు తెలిసినచో తెలుపగలురు)
recylce , mileage, pacakaged, company (business entity) , internet, calculator, sustainable, repeatable, carbon

Monday, April 23, 2007

భూమి దినం


ఈ వాళ భూమి రోజు. అంటే సంవత్సరమంతా ఎంత ఇందనం దుబారా చేసి, ఎంత ప్లాస్టిక్ వాడి, ఎంత మాంశాహారం తిని, ఎంత పెద్ద ఇంట్లో ఉన్నా, ఈ ఒక్క రోజు మాత్రం ఒ పది నిమిషాల పాటైనా, మన తల్లి భూదేవిని ఎలా కపాడుకోవాలా, మన ముందు తరాలవారికి మంచి వనరులను అందిచాలా అన్న విషయాలను ఆలోచించాలి.

గూగుల్ వారు, ఏదైనా విశేషమైన రోజైతే దానికి అనుగుణంగా వారి లోగో ను మారుస్తారు. అలా మార్చిన లోగో చూసి, దానిని క్లిక్ చేసి, మెదటి లింక్ అయిన భూదిన భూగోళిక పాదముద్ర క్విజ్ లో పాల్గొన్నాను.

నా జీవితం లో మారుతూవున్న తరుణంలో ఉన్నా కాబట్టి , నేను ఆ క్విజ్ తీసుకునేడప్పుడు, నన్ను నేను ఈ రెండు విధాలుగా ఊహించుకొని క్విజ్ లో పాల్గోన్నాను.
1) బెంగుళూరు లో బైక్ ఉన్న సాఫ్టవేర్ ఇంజినీరు. (రెండేళ్ళ క్రితం నా పరిస్ధితి అన్నమాట)
2) అమెరికాలో భారతీయ విధ్యార్థి (మొన్నటి వరకు నా పరిస్థితి)

భూగోళిక పాదముద్ర
మీకు ఫలితాల గురించి చెప్పే ముందు, Biologically Productive Global Hectares మరియు Ecological Footprint గురించి కొంత జ్ఞానం: "భూగోళిక పాదముద్ర" అంటే మానవుల జీవనానికి కావలసిన వనరులు, మరియు మానవులు ఉత్పత్తి చేసే చెత్త జీర్ణించు కోవడానికి కావలసిన భూమి లేక్కించే ఒ విధానం.

ఉదాహరణకు,
అమెరికా లో సబర్బులో పెద్ద బంగళా ఉన్న మీ మావయ్య గారి కుటుంబం తీసుకున్నారను కోండి. వారు రెండు కారులకు వాడే పెట్రోలు, వారి పెద్ద ఇంటికి కావలసిన ఎసి కి అయ్యే ఇందనం, వారు వాడే ప్రాసెడ్ ఫూడ్స్ , వారు సంవత్సరానికో సారి చేసే ఇండియా ప్రయాణలకయ్యే ఇందనం, వగైరా వగైరా తీసుకున్నారనుకోండి,
నలుగురి మీద ఒ నూట నలభై హెక్టేర్ల భూమి ఇచ్చే వనరులు అవసరమౌతాయి (అంటే తలో నలభై హెక్టార్లన మాట).

అదే ఆయని తాతగారూ, మీ ముత్తాతగారూ ఐన సీతాపురం అప్పారావు గారి కుటంబాన్ని తీసుకున్మారను కోండి. వారు పైవేవీ వాడరు, పైపెచ్చు అప్పట్లో inorganic waste ఉత్పత్తి చేసేవారు కాదు. కాబట్టి వారికి అవసరమైన వనరులల్లా దాదాపు ఒ హెక్టారులో ఉంటాయి. (అంటే తలో పావు హెక్టారు అన్నమాట).

అందరూ మన న్యుజెర్సి మావయ్యగారిలాగా ఉంటే, ప్రపంచ జనాభా అంతటికీ కలిపి ఒ పది భూగోళాల అవసరం ఉంటుంది !! అదృష్టవ సాత్తు, అందరూ మన మావయ్యగారిలాగా అమెరికాలో చాలా డబ్బున్న వైద్యులు కారు. అలాని అందరం మన ముత్తాతల కాలం లో లాగా బతక గలిగిన దీక్ష మనకు లేదు.

కొన్ని గణాంకాలు
వివిధ జీవన విధానాలున్న వ్యక్తుల భౌగోళిక పాదముద్ర (భూగోళం మీద వత్తిడి) ఇలా ఉంటాయి.

అమెరికా మధ్యతరగతి : 15 హెక్టార్లు (10 భూగోళాలు)
అమెరికాలో విధ్యార్థి : 6 హెక్టార్లు (4.2 భూగోళాలు)
హైదరాబాదులో ఇంజనీరు : 2.1 హెక్టార్లు (1.2 భూగోళాలు)
మన పూర్వీకులు : 0.25 హెక్టార్లు కంటే తక్కువ (1 భూగోళం కంటే తక్కువ)

సగటు నేటి భారతీయుడు : 0.8 హెక్టారు (1 భూగోళం కంటే తక్కువ)
సగటు నేటి అమెరికనుడు : 9.7 హెక్టార్లు (5.3 భూగోళాలు)

ఇంకో ఆశక్తికరమైన విషయం ఏమిటంటే, విమానాలు భూగోళం పైన చాలా భారము. అంటే మీరు విమానాల మీద ప్రయాణించడం మొదలు పెడితే, మీ భౌగోళిక పాదముద్ర చాలా ఎక్కువ పెరిగి పోతుంది.
ఇవన్ని చూసారుగా ఇక మీరు కూడా భూవనరులు గురించి చదివి, మీ వంతు తోడ్పడండి.

గమనికలు
వ్యాఖ్యానిచే ముందు ఈ విషయాలను గుర్తుపెట్టుకోవలెను.
1) భూవనరులను దేశాల వారీగా విభజించిబడినవి. కాబట్టి కొన్ని దేశాలలో ఐదు హెక్టారులు పెద్ద విషయం కాదు, కాని మరి కొన్ని దేశాలలో ఒక హెక్టారు కూడా ఎక్కువే అవ్వొచ్చు. జనాభా, దేశ వనరులు లాంటి పట్టించుకోవలసిన ఇతర అంశాలు చాలా ఉంటాయి.
2) పైన చెప్పిన సంఖ్యలు పోల్చడానికి మాత్రమే, చెప్పాలంటే ఈ లెక్కించే పధ్ధతి మోత్తం అంచనాలకు కోసమే. ఇది మూడవ తరగతి గణితంలా గా ఖచ్చితమైన శాస్త్రం కాదు.
3) ఒకే ఉద్యోగం చేసే ఇద్దరు వ్యక్తుల పాదముద్రలు ఆ యా వ్యక్తుల అలవాట్ల బట్టి చాలా ఎక్కువా-తక్కువా ఉండవచ్చు.
4) ఈ బ్లాగు ఆర్థికాంశాలగురించి కాదు.

లంకెలు
గూగుల్ భూమి దినం, పాదముద్ర క్విజ్, భూమి దినం వికీపీడియా, పాదముద్ర వికీపీడియా

కొసమెఱుపు
"భూమి మన పూర్వీకులనుండి బహుమతి కాదు. అది మన పిల్లల నుండి తీసుకున్న ఋణం" - అనామకులు

Thursday, April 19, 2007

క్రిత బ్లాగుపై వ్యాఖ్యానాం

Have to do this in English, so that I can express complex thoughts. Yes, not everybody is blessed with a literary arsenal in their mother tongue.

Belated Disclaimer:
Belief is not Black and white. Well not at least after you have reached an age. We will have our doubts on every thing, at least everything we did not see, which include things from atoms to God to our own births.

All I meant to say is that I will not be surprised at all, even if the truth is that the US government with an advance knowledge of the attack, used it to garner unwavering support from all sections of America for invading a country with a lot of Gold, Oil and Drugs. Not to forget the fact that they installed the Taliban. That does not mean I believe it is true and of course it does not make it true.

I am not saying it is true, I am not asking anyone to believe anything. I do not need someone's equations, as I have my maths and my deductive reasoning. I do not give equations as you have yours. One may eat meat but I feel it is not environmental. I might drink beer and one might say it affects one's judgment.

One might believe that US invaded Iraq just to install Democracy there. What we believe is, for sure, influenced by what we want to. There is always an alternate hypothesis that deserves an unprejudiced evaluation.

What I had intended to say was that I was affected by the imperfection of the world and the song is a perfect thing. Its more than perfect, it is infinitely beautiful.

Wednesday, April 18, 2007

ఏరు వాకా సాగారో

పొలాలమ్కుకోని పోయేవారు, టౌనులో మేడలు కట్టేవారు,
బ్యాంకులో డబ్బులు దాచేవారూ, నీ శక్తిని గమనించరు వారు.
ఏరువాకా సాగారోరన్నో చిన్నన్న, నీ కష్టమంతా తీరునురోరన్నో చిన్నన్న...

ఇవి అసలే మంచి రోజులు కావు.

ఓ నాలుగు రోజుల నుండి మనేదు గా ఉంది. ఎందుకంటారా ?
పని లేనోడికి మనేదేగద ఏసేది. ఈ పనిలేక వచ్చే మనేదు తగ్గించుకోవడానికి నేను ప్రతి ఆదివారం ఓ ఎనిమిది కీమీలు ద్విచక్ర వాహనం తొక్కి , మంచు మీద స్కేటింగ్ చేసి, ఆ ఎనిమిది కీమీలు వెనక్కి తొక్కోచ్చి హాయిగా నిద్రోతా. దాని మీద వేరెప్పుడైనా 'అయిసు పై అభిమన్యుడు' అని టపా రాస్తానులెండి.

ఈ వారం ఏమైందంటే..
ఆదివారం మనేదు తీర్చుకొని వచ్చాక, ఈ నాలుగు సంఘటనలు జరిగాయి.
౧) హెఁపీ ఫీట్ చూసా
౨) వెర్జీనియాలో ఘోరం జరిగింది
౩) తెలుగు నేల లో వోఁల్డ్ (వరల్డ్ కాదు) ట్రేడ్ సెంటర్ కూలిపోవడం ఉత్త అబద్దం అని చదివ
౪) ఇంకేదో జరిగింది కాని ఇప్పుడు గుర్తుకు రావట్లేదు

౧) హెఁపీ ఫీట్
ఈ సినిమా ఏదో పిల్లల సినిమా అనుకొని చూస్తే... ఇంతకూ ఇందులో మానవులు, సముద్రపు చేపలను అతిగా పట్టి, తినేసి, పెన్గ్విన్ల కోసం ఏమి మిగలచ కుండా ఎలా చేస్తున్నామో విపులంగా చూపిస్తారు. అసలే వాతావరణవాదిని. ఒక సారి సీ-వోఁల్డ్(వరల్డ్ కాదు) కు వెళ్లి అక్కడ సముద్రపు జీవులను, క్లోరిన్ కుండీలలో చూసి మనేదు తెచ్చుకున్నవాడిని.

౩) అమెరికాని 'చట్చాల దేశం' (land of laws) అంటారు. కాని నాకెప్పుడు ఇది 'అబద్దాల దేశం' (land of lies) అనిపిస్తుంది. మీరు తప్పకుండా ఈ వీడియో మరియు ఈ వీడియో చూడండి.

౪) నాల్గోది గుర్తుకు వచ్చింది.
ముందు ఆర్పి పట్నాయక్ పాట వినడం వల్ల అనుకున్నా గాని అది కాదు. నిన్న ఈనాడు చదివా, ఏముంది మన అబ్బాయి జగన్మొహనం , వినాయకుడు ఉండ్రాళ్ళు మింగినట్టు మిగేసాడంట. దేన్నా? కడపలో భుముల్ని.

ఏంటో ఒక దేశంలో అన్ని అబద్దాలే, ఇంకో దేశంలో నిజాలు బయట పెట్టినా ఎవరూ పట్టించుకోరు.

పై విషయాల వల్ల చాలా మనేదేసింది. స్కేటింగ్ కు వెళ్దామంటే మొన్న వెళ్ళినదానికి ఊనం అయిన వళ్లు ఇంకా తేరుకోలేదు. అయితే ఇప్పుడు విరుగుడు ఏంటి?

ఉందిగా మీ-ట్యూబ్. యూ-ట్యూబ్ లో 'ఏరువాకా సాగారోరన్నో సిన్నన్న' పాట తగిలింది.
అత్యుత్తమ ఫలితాలకోసం, కాలక్రమీణ తెలుగు నటీమణుల పతనం గురించి తలచుకోవద్దు.



ద వోఁల్డ్(వరల్డ్ కాదు) ఈజ్(ఈజ్ కాదు) ఒన్స అగెన్(ఎగేయిన్ కాదు) అ బ్యూటిఫుల్ ప్లేస్.
అంటే మనేదు తగ్గిపోయి ప్రాణం చల్లగా ఉంది. ఏముందో గాని ఈ పాత పాటల్లో మాయ.

సవాలు పదాలు
మనేదు = మనోవ్యధ = మనః + వ్యధ
Inscript లో లేదా లేఖిని లో రెండో చ, రెండో జ (ఆజాద్ లో లాగ) ఎలా తెప్పించాలో తెలిసినచో మాకు కూడా శెలవు ఇచ్చుకోగలరు.

Friday, April 13, 2007

ఇద్దరు మహానుభావులు, ఓ దురదృష్టవంతుడు

చాలా మంచి పట్టాలో రెండు, చేతిలో పెట్టుకొని, మూడు నెలలుగా ఉద్యోగం లేక, కొత్తగా ఏదో 'వీసా' వ్యనస్థలో ఉన్న లోపాలవల్ల కనీసం ఉద్యోగం వచ్చే అవకాశం కూడా లేనివాడిని దురదృష్టవంతుడనే అనాలి, కాని ఇది అలాంటి చిన్న చిన్న దురదృష్టాల గురించి కాదు లెండి. ఇవి ఇంకా 'పెద్ద' విషయాలు. జన్మానికోసారి లాంటివి.

నేను దక్షిణ 'సంయుక్త అమెరికా రాష్ట్రాల'లోనే అతి మంచిదైన 'గార్జియా ఇన్సటిట్యూట్ ఆఫ్ టెక్నాలెజి' లో చదివా. మొన్ననే క్రిస్మస్ కి అక్కడ నుండి బయటకు వచ్చా. నేను అక్కడ చాలా మంచి అనుభవాలను పొందాను అని అనవచ్చు.

నేనక్కడ ఉన్నప్పుడు గొప్ప వ్యక్తులు కొందరు మాటలాడడానికి వచ్చేవారు. మంచి కళాశాల, చాలా చురుకైన విధ్యార్థులు ఉంటారు కాబట్టి, ఉపన్యాసాలివ్వాలను కునే నాయకులు బాగా ఆకర్షితులయ్యేవారు. కాని నేనక్కడున్నప్పుడు చాలా గొప్పవారైతే ఎవరూ రాలేదు. నేనక్కడ నుంచి వచ్చేసిన తర్వాతి మూడు నెలల్లో ఇద్దరు చాలా గొప్ప వ్యక్తులు అక్కడికి వచ్చారు/రాబోతున్నారు.

అందులో ఒకరు 'ఆల్ గోర్'. గోరు గారు నేను అమితంగా ఆదరించే సమకాలికుల్లో(ఈ పదం జీవితంలో ఎప్పుడూ వాడతాననుకోలేదు చిన్నప్పుడు) ఒకరు. నేనో చిన్న తరహా వాతావరణవాదిని. ఆయన తీసిన 'ఓ కఠువు నిజం' (A bitter truth) సినిమా తట్టుకోలేనని చూడలేదనుకోండి. కాని రాష్ట్రపతి అవగలిగిన వ్యక్తి, ఇలా ఒక మహోత్తమ కార్యం (noble cause) కోసం పాటుపడడం ఎంతైనా గొప్పే. వచ్చే యాభై ఏళ్ళలో అంత అత్యవసరం కాకపోయునా, మన మననువల కాలానికి 'భూగోళ ఉడుకు' (Global warming) అతి పెద్ద సమస్య అవుతుందని నా అంచనా. జీవితంలో ఎప్పుడైనా ఒక సారి వెళ్ళవలసిన ఆయన ప్రసంగానికి వెళ్ళలేక పోతున్నా...

ఇక రెండో వ్యక్తి 'బరక్ ఒబామా'. మా పాఠశాలకు వస్తున్నారని తేలియగానే ఒబామాగారి గురించి వికీపీడియాలో చదివా ఒక సారి. అన్నట్టు ఒబామాగారు 2008 అమేరికా రాష్ట్రపతి ఎన్నికలలో పోటీ చేస్తున్నారు. చెప్పుకోదగ్గ విషయం - ఈయన నల్లాయన. అలా అంటే ఎప్పుడూ కని పించే 'ఆఫ్రికన్ అమేరికన్' కూడా కాదు. ఈయని నాన్నగరు అచ్చంగా కెనియాలో పుట్టారు. కాని అమ్మ నిండు అమెరికను, అమ్మ-అయ్య అయితే రెండో ప్రపంచ యుధ్ధంలో కూడా పోరాడారంట. ఈయన యుక్త వయస్సులో (adolescence) ఎంత 'స్వజ్ఞాన క్షోభ' (identity crisis) అనుభవించేవరంటే, అది మరచి పోవడానికి మత్తు పదార్థాలు, మద్యం వాడేవారట ! అ స్థితి నుండి ఇప్పుడు రాష్ట్రపతి పోటీలో ఉన్నారంటే సామాన్య విషయం కాదుగా.. ఈయని ప్రచారసభకు కూడా వెళ్ళలేక పోతున్నా.

చెప్పాలంటే గొప్ప వ్యక్తులు ఇచ్చేడట్టు వేరేది స్ఫుర్తినీయలేదు. అసలే నాకు ప్రజాస్వామయం పై అపారమైన విశ్వాసం :)

ఛాలెంజి పదాలు (మీకు వీటి అర్థాలు తెలిసినచో దయచేసి చెప్పగలరు)
noble cause, living people, global warming, adolescence, identity crisis, challengee

Wednesday, April 11, 2007

కొత్త నిర్ణయం

నేనోకొత్త నిర్ణయం తీసుకుంటున్నా.
( అసలు చెప్పాలంటే, అది నిర్ణయం కాదు resolution. మన తెలుగు కొద్దిగా ఈకు. resolution ని తెలుగులో ఏమంటారో తెలియక నిర్ణయం అనేస్తున్నా. కనీసం decision అని ఎక్కువ మంది తెలుగు వారు తెగులులిష్ లోవాడినట్టు వాడ లేదు. ఎ వీవెన్ గారో resolution కి తెలుగు పదం చెప్పి పుణ్యం గట్టుకోవాలి. )

ఇంతకీ ఎప్పుడు చెబుతాడా అని మీరందరు ఎదురు చూస్తున్న ఆ నిర్ణయం ఏమీటంటే..
నేను నా ఆంగ్ల బ్లాగును పక్కన పెట్టి కొన్నాళ్ళు, మీరు ఈ నిమిషాన చదువుతున్న నా తెలుగు బ్లాగును పునరోగిద్దామని (అదే నండి రీడెవలప్పు చేద్దామని) నిర్ణయించు కున్నాను.

దీని వల్ల ఉపయోగాలు
1) నా ఆంగ్ల బ్లాగు ఎలాగూ ఎవరూ చదవట్లేదు :(
2) నా తెలుగు పునరోగిస్తుంది (అదే నండి రీడెవలప్పు అవుతుంది. మా తెలుగు పంతులు గారు
పునరోగం అనే మాట వింటే ఆయన గుండె ఒక్క క్షణం ఆగి మళ్ళి కొట్టుకుంటుంది).
3) కొత్త మిత్రులు పరిచయం అవుతారు.
4) తెలుగు టైపింగు 'రోగిస్తుంది' (అదే నండి డెవలప్పు అవుతుంది). మాటలో మాట (అదే నండి బైదిబై) నేను తెలుగు కీ-బోర్డు లేకపోయినా, డైరెక్ట్ ఇన్పుట్ చేస్తా... మాతృభాషను ఆంగ్ల లిపితో
ఎంగిలి చేయడం ఇష్టంలేక. అలా రాయడం ఎంత కష్టమో అన్నదాని గురించి వేరెప్పుడైనా ఓ టపా వేస్తాలెండి.
5) నా ఆంగ్ల బ్లాగును ఎవరూ ఎక్కడా లింకు చేయక పోయినా, మన తెలుగు సోదరులు కూడలి.ఆర్గ్ లో నాకు ఒ లంకె వేస్తారు.
6) పైన చెప్పిన కూడలి.ఆర్గ్ లో నా ఈ టపా వస్తుందో రాదో పరీక్ష చేయవచ్చు.(పరీక్ష స్పేల్లింగు గుర్తుందని మా తెలుగు మాస్టారు సంతోషిస్తారు :))

కృతజ్ఞతలు
1) సౌమ్యగారు ఆంగ్లంలో బ్లాగగలిగినా తెలుగులోనే బ్లాగి నాకు స్పూర్తినిచ్చారు.
(అరే... 'బ్లాగగలిగినా' కొత్త పదం మా తెలుగు మాస్టారు
చాలా సంతోషిస్తారు :) )
(బ్లాగి - వాగి పదానికి సంభందం లేదు :) agglutinative language కదండి మన్నించాలి)
2) లంకుతున్నందుకు కూడలి వారికి
3) స్పూర్తినిచ్చిన అనేక తెలుగు బ్లాగర్లకు

సహాయం
ఈ క్రింది పదములకు తెలుగు చేప్పగలరు
resolution, redevelop, స్పూర్తి = inspiration?, spellings, acknowledgments (as written in the beginning of books), 'by the by' or 'by the way'

ఆఖరి జోకు (హాస్యం? చతురోక్తి?)
redevelop కి అర్థం తప్పనిసరిగా చెప్పగలరు, ఎందు కంటే నేను రాజకీయాలలో చేరి దేశాన్ని పునరోగిద్దామనుకుంటున్నాను (సిక్/sic). కాబట్టి ఆ పదం శెలవిచ్చుకున్నాక, మీ అమూల్యమైన ఓటు ముద్రను నాకే వేయాలని గుర్తు పెట్టుకోండి.
నవతరంగం సినిమా తెవికీ పొద్దు కూడలి తెలుగుబ్లాగు సాహిత్యం